Fatehpur By Election: डैमे दे कनारे भी प्यासे धमेटे दे लोग, तुहां भी पढ़ा क्या गलांदे तुड़का राम
Fatehpur By Election फतेहपुर हलके दी गल्ल करिए तां एत्थु फतेहपुरे ते बाद धमेटा बड्डी जगह है कन्ने चर्चित नां है। पर जाह्लू भी तुसां धमेटे दे लोकां कन्ने विकासे दी गल्ल करिए तां एही बोलदे कि साड़े इलाके दा कुछ नीं होई सकदा।
फतेहपुर, जेएनएन। Fatehpur By Election, अज्ज फतेहपुरे दी चर्चा पूरे प्रदेशे च है। फतेहपुर हलके दी गल्ल करिए तां एत्थु फतेहपुरे ते बाद धमेटा बड्डी जगह है, कन्ने चर्चित नां है। पर जाह्लू भी तुसां धमेटे दे लोकां कन्ने विकासे दी गल्ल करिए तां एही बोलदे कि साड़े इलाके दा कुछ नीं होई सकदा। जे पुछिए कि कैंह् नी होई सकदा तां जवाब मिलदा कि होणा क्या, अज्ज दिने तक असां दी पाणिए दी दिक्कत ही हल नी होई पाई तां एत्थु होर क्या होणा। गर्मी होए, सर्दी होए या बरसात, ये दिक्कत एहो देई रैैहंदी। बड्डी गल्ल ऐह है कि बरसातां च इक्की पास्सें डैमे दे पाणिए ने साड्डा निचला बाजार अध्धा डुबी जांदा, पर तिनां दिनां च दूजे पास्सें साड़े घरां च कई बरी पाणी नी हुंदा।
यह भी पढ़ें: फतेहपुर उपचुनाव: भवानी की नैय्या पार लगाने के लिए शुक्ला आज करेंगे प्रचार, अनुराग ठाकुर का दौरा भी तय
एत्थु दे लोक अपणी पीड़ा सुणांदे बोलदे कि साड़े धमेटैैं बारहवीं तक स्कूल ऐ, एक बड़ी पराणी डिस्पेंसरी कन्ने एक आइटीआइ। इन्हां ते छड्डी के होर विकासे दे नाएं पर कोई चीज नी। फिर घुम्मी-फिरी के पाणिए पर आई जांदे कि हल्ले तक पाणिए दी समस्या दा ही पक्का हल नी निकली पाया तां एत्थु होर क्या होणा। बोलदे साड़े इलाके च सुशांत कन्ने पठानिया हौरां धाकड़ नेते रेह। दोनों ही भाजपा कन्ने कांग्रेस सरकारां च मंत्री पदे तक पुज्जे पर साड़े धमेटे च कोई बड्डी चीज नी खुली पाई। निराश होई करी बोलदे कि जेड़ा भी बणी जा साड़े इलाके च क्या करगा, जेड़ा पैह्ले आलेयां कमाया तिन्हां भी ऐही कमाणा।
यह भी पढ़ें: मंडी का चुनावी रण: देशभक्त व देशद्रोही में बदला प्रचार, कन्हैया के खिलाफ इंटरनेट मीडिया पर पोस्टर वायरल
यह भी पढ़ें: 900 रुपये में लाहुल के पर्यटन स्थलों की सैर करवाएगा पर्यटन निगम, मनाली से शुरू होगी लग्जरी बस सेवा